امریکی صدر ڈونلڈ ٹرمپ نے وزیراعظم شہباز شریف سے متعلق مثبت ردعمل دیتے ہوئے کہا ہے کہ وہ ایک باوقار اور قابلِ احترام شخصیت ہیں۔
اپنے بیان میں ٹرمپ کا کہنا تھا کہ اگرچہ انہیں اس معاملے پر مکمل بریفنگ نہیں دی گئی، تاہم وہ شہباز شریف کو اچھی طرح جانتے ہیں اور ان کی شخصیت کا احترام کرتے ہیں۔
دوسری جانب وزیراعظم شہباز شریف نے مشرقِ وسطیٰ میں جاری کشیدگی کے حل کے لیے سفارتی کوششوں کو مؤثر بنانے کی خاطر امریکی صدر سے ڈیڈ لائن میں دو ہفتوں کی توسیع کی درخواست کی ہے۔
وزیراعظم کا کہنا ہے کہ خطے میں امن کے قیام کے لیے مذاکرات کا عمل جاری ہے اور جلد مثبت پیش رفت کی امید ہے، اسی لیے سفارتکاری کو مزید وقت دیا جانا ضروری ہے۔