وزیرِ اعظم شہباز شریف اور وفاقی وزیرِ داخلہ محسن نقوی نے نشانِ حیدر کے حامل حوالدار لالک جان شہید کے یومِ شہادت پر انہیں زبردست خراجِ عقیدت پیش کیا۔ اپنے پیغامات میں دونوں رہنماؤں نے کہا کہ لالک جان شہید نے وطن کے دفاع کے لیے بے مثال جرأت اور قربانی کی مثال قائم کی، جس پر پوری قوم کو فخر ہے۔ انہوں نے اس عزم کا بھی اظہار کیا کہ پاکستان اپنے شہداء کی خدمات اور قربانیوں کو ہمیشہ یاد رکھے گا۔
