پشاور پولیس نے لینڈ مافیا، سود خوروں اور راہزنوں کے خلاف بھرپور کارروائیاں شروع کر دی ہیں۔ پولیس کے مطابق اسلحے کے زور پر شہریوں کی زمینیں اور جائیدادیں ہڑپنے والوں کو قانون کے کٹہرے میں لایا جا رہا ہے اور قبضہ گروہوں کی فہرستیں بھی تیار کر لی گئی ہیں۔
گزشتہ برس قبضہ مافیا کے خلاف درج مقدمات میں بڑی تعداد میں ملزمان گرفتار کیے گئے، جبکہ سود خوروں کے خلاف تمام نامزد افراد بھی حراست میں آ چکے ہیں۔ پولیس حکام کا کہنا ہے کہ شہر میں جرائم پیشہ عناصر کے لیے کسی قسم کی نرمی نہیں برتی جائے گی، تاہم شہریوں کے مطابق راہزنی کے واقعات اب بھی تشویش کا باعث ہیں۔