اسلام آباد ہائیکورٹ نے ڈاکٹر عافیہ صدیقی کیس کی سماعت کے لیے 4 رکنی لارجر بینچ بنا دیا ہے۔ جسٹس ارباب محمد طاہر بینچ کی سربراہی کریں گے جبکہ جسٹس خادم سومرو، جسٹس اعظم خان اور جسٹس انعام امین منہاس بھی بینچ کا حصہ ہوں گے۔
یہ کیس پہلے جسٹس سردار اعجاز اسحاق کی عدالت میں زیرِ سماعت تھا، تاہم انہیں ٹیکس کیسز سننے والے اسپیشل ڈویژن بینچ میں تعینات کیے جانے کے بعد فائل چیف جسٹس کو بھیجی گئی جس پر لارجر بینچ تشکیل دیا گیا۔