پاکستان وائٹ بال کرکٹ ٹیم کے بیٹنگ کوچ حنیف ملک اپنی ذمہ داریاں مکمل کرنے کے بعد عہدے سے سبکدوش ہو گئے ہیں۔
آسٹریلیا کے خلاف ہوم ون ڈے سیریز ان کے دورِ کوچنگ کی آخری سیریز ثابت ہوئی، جس کے بعد انہوں نے اپنی ذمہ داریوں کا اختتام کر دیا۔ حنیف ملک ٹی ٹوئنٹی ورلڈ کپ کے بعد استعفیٰ دے چکے تھے اور اس وقت نوٹس پیریڈ پر تھے۔
ہیڈ کوچ مائیک ہیسن نے ان کی خدمات کو سراہتے ہوئے کہا کہ حنیف ملک نے ٹیم کے ساتھ بھرپور جذبے اور پیشہ ورانہ انداز میں کام کیا، ان کی مسکراہٹ اور مثبت رویہ یاد رہے گا۔
دوسری جانب پاکستان کرکٹ بورڈ نے بیٹنگ کوچ کے لیے نئے امیدواروں کی تلاش شروع کر دی ہے، جبکہ وائٹ بال ٹیم کو آئندہ چند ماہ کسی بین الاقوامی مصروفیت کا سامنا نہیں۔