بنگلادیش کرکٹ بورڈ کے اعلان کے بعد کہ وہ ٹی 20 ورلڈکپ میں بھارت نہیں جائیں گے، انٹرنیشنل کرکٹ کونسل (آئی سی سی) بنگلادیش کی درخواست پر غور کرے گا، تاہم معاملہ آسان نہیں ہے۔ ذرائع کے مطابق آئی سی سی فوری جائزہ لے گا اور دو روز میں آفیشلز کا اجلاس ہوگا، مگر جلد بازی میں کوئی فیصلہ نہیں کیا جائے گا۔
رپورٹس میں بتایا گیا ہے کہ یہ معاملہ بنیادی طور پر بی سی بی اور بھارتی کرکٹ بورڈ کے درمیان ہے، اور آئی سی سی کا شامل ہونا مناسب نہیں۔ بنگلادیش کے انکار سے ایونٹ کے شیڈول میں بڑی تبدیلیاں درکار ہوں گی، جس سے گروپ میچز اور سپر ایٹ مرحلے پر اثر پڑ سکتا ہے۔ بھارتی میڈیا نے بھی بنگلادیش کے فیصلے پر تنقید کرتے ہوئے کہا کہ آئی سی سی اس درخواست کو مسترد کر سکتا ہے اور بنگلادیش کو ورلڈکپ میں شرکت سے محروم ہونا پڑ سکتا ہے۔