شدید دھند کے باعث ملک کے کئی علاقوں میں معمولات زندگی متاثر ہو گئے ہیں۔ حدِ نگاہ کم ہونے پر موٹروے ایم ون پشاور ٹول پلازہ سے رشکئی تک ٹریفک کے لیے بند کر دی گئی ہے۔ اسی طرح موٹروے ایم 3 فیض پور سے رجانہ اور ایم 4 فیصل آباد سے شام کوٹ تک بند ہیں۔
دھند کے باعث پشاور ایئرپورٹ پر فلائٹ آپریشن معطل جبکہ اسلام آباد میں جزوی طور پر متاثر ہے۔ خراب موسم کی وجہ سے شارجہ سے پشاور آنے والی دو پروازیں بھی تاخیر کا شکار ہو گئی ہیں۔