اسرائیلی حکام نے ایران کے ساتھ امریکا کی سفارتی کوششوں پر خدشات کا اظہار کرتے ہوئے کہا ہے کہ واشنگٹن معاہدے کی جانب تیزی سے بڑھ رہا ہے۔ میڈیا رپورٹس کے مطابق اسرائیل کو مذاکرات کی پیش رفت سے براہِ راست آگاہ نہیں کیا جا رہا اور وہ بالواسطہ ذرائع سے معلومات حاصل کر رہا ہے۔ ادھر امریکی وزیرِ خارجہ مارکو روبیو نے کہا ہے کہ ایران سے مذاکرات جاری ہیں، تاہم کسی حتمی معاہدے تک ابھی نہیں پہنچا گیا۔
