سعودی عرب کے علاقے الرس میں ایک شہری نے اپنے بیمار والد کی خوشی کے لیے وسیع رقبے پر روایتی طرز کا ’ہیریٹج فورٹ‘ تعمیر کر دیا، جو اب سیاحوں کی توجہ کا مرکز بن گیا ہے۔
رپورٹ کے مطابق یہ قلعہ تقریباً 7 ہزار مربع میٹر پر محیط ہے اور اسے آٹھ ماہ میں مکمل کیا گیا۔ اس میں ہزاروں قدیم اشیا، پرانا اسلحہ، روایتی برتن اور تاریخی نوادرات رکھے گئے ہیں جو والد کے شوق سے منسلک ہیں۔
قلعے میں ایک بڑی لائبریری بھی قائم کی گئی ہے جس میں ہزاروں نایاب اور تاریخی کتابیں موجود ہیں، جبکہ اس مقام کو مقامی ثقافت اور ورثے کی عکاسی کے طور پر پیش کیا جا رہا ہے۔