امام عبدالعزیز بن محمد رائل ریزرو ڈیولپمنٹ اتھارٹی نے العرمہ سیزن کے پانچویں ایڈیشن کے اختتام کا اعلان کیا ہے، جس میں چھ ماہ کے دوران 8 لاکھ سے زائد افراد نے شرکت کی۔
اتھارٹی کے مطابق اس ایونٹ میں اندرون و بیرون ملک سے سیاحوں نے مختلف ایکو ٹورازم سرگرمیوں جیسے ہائیکنگ، کیمپنگ، سائیکلنگ اور وائلڈ لائف ایکسپلوریشن میں حصہ لیا۔ اس سیزن کے دوران متعدد ملازمتوں کے مواقع بھی پیدا ہوئے جبکہ مجموعی طور پر پائیدار سیاحت اور مقامی معیشت کو فروغ ملا۔
حکام کے مطابق العرمہ سیزن کا مقصد سعودی عرب کے قدرتی مناظر، جنگلی حیات اور ثقافتی ورثے کو سیاحوں سے جوڑنا ہے، جو وژن 2030 کے اہداف کے مطابق ہے۔