سعودی عرب کے عسیر ریجن میں شہد کی فارمنگ کا ایک منفرد روایتی طریقہ آج بھی رائج ہے، جس میں قدرتی طور پر سوکھے درختوں کے کھوکھلے تنوں کو شہد کی مکھیوں کے چھتوں کے طور پر استعمال کیا جاتا ہے۔
ماہرین کے مطابق یہ تنے مکھیوں کے لیے قدرتی ماحول، مناسب درجہ حرارت اور نمی برقرار رکھتے ہیں، جس سے معیاری شہد تیار ہوتا ہے۔ حالیہ برسوں میں روایتی طریقوں کو جدید ٹیکنالوجی کے ساتھ جوڑ کر شہد کی پیداوار کو مزید مؤثر بنایا جا رہا ہے۔
حکام کے مطابق عسیر سعودی عرب کی مجموعی شہد کی پیداوار کا تقریباً 20 فیصد فراہم کرتا ہے، جبکہ ہزاروں افراد اس شعبے سے وابستہ ہیں۔