معروف میزبان اور پروڈیوسر ندا یاسر نے اپنی 20 سالہ ازدواجی زندگی کے حوالے سے گفتگو کرتے ہوئے بتایا ہے کہ ان کی والدہ کی سمجھداری اور مثبت سوچ نے ان کے رشتے کو مضبوط بنانے میں اہم کردار ادا کیا۔
اپنے مارننگ شو میں بات کرتے ہوئے انہوں نے کہا کہ شادی کے ابتدائی برسوں میں وہ جذباتی ردعمل دیتی تھیں اور گھریلو معاملات پر فوراً اپنی والدہ سے شکایت کرتی تھیں، تاہم ان کی والدہ ہمیشہ تحمل اور حکمت کا مظاہرہ کرتی تھیں۔
ندا یاسر کے مطابق ان کی والدہ کبھی بھی جذباتی باتوں کو بنیاد بنا کر تعلقات کو متاثر نہیں ہونے دیتی تھیں، جس سے ان کے ازدواجی رشتے میں توازن برقرار رہا۔
انہوں نے نوجوانوں کو مشورہ دیا کہ رشتوں کے مسائل میں فوری طور پر جذباتی فیصلے کرنے کے بجائے سمجھدار افراد سے بات کرنی چاہیے تاکہ معاملات بہتر طریقے سے حل ہو سکیں۔