روس کی جانب سے یوکرین کے دارالحکومت کیف اور دیگر اہم شہروں پر کیے گئے حملوں میں کم از کم 10 افراد ہلاک جبکہ درجنوں زخمی ہو گئے ہیں۔
یوکرینی حکام کے مطابق دنیپرو اور کیف حملوں کا زیادہ نشانہ بنے، جہاں رہائشی عمارتوں اور دیگر تنصیبات کو نقصان پہنچا۔ کیف میں ایک بلند و بالا عمارت کا حصہ گرنے کے بعد متعدد افراد کے ملبے تلے دبے ہونے کا خدشہ ظاہر کیا جا رہا ہے۔
حکام نے متاثرہ علاقوں میں امدادی اور سرچ آپریشن شروع کر دیا ہے، جبکہ مختلف مقامات پر آگ لگنے کے واقعات بھی رپورٹ ہوئے ہیں۔ دوسری جانب دارالحکومت میں مزید دھماکوں کی اطلاعات سے صورتحال بدستور کشیدہ ہے۔