سندھ کے سینئر وزیر شرجیل میمن نے کہا ہے کہ کراچی میں متوقع بارشوں کے پیش نظر حکومت مکمل طور پر الرٹ ہے اور تمام ضروری انتظامات کر لیے گئے ہیں۔
انہوں نے بتایا کہ نشیبی علاقوں سے پانی نکالنے کے لیے اضافی ڈی واٹرنگ پمپس نصب کیے گئے ہیں، جبکہ عملے کی چھٹیاں بھی منسوخ کر دی گئی ہیں۔
ان کا کہنا تھا کہ شہر کے اہم چوکنگ پوائنٹس کی نشاندہی کر کے وہاں عملہ تعینات کر دیا گیا ہے، جبکہ متعلقہ اداروں کو ہائی الرٹ رکھا گیا ہے۔
محکمہ موسمیات کے مطابق آج شہر میں وقفے وقفے سے ہلکی اور تیز بارش کا امکان ہے۔