شمالی وزیرستان میں پاک-افغان سرحد کے قریب سیکیورٹی فورسز نے کارروائی کرتے ہوئے 8 دہشت گردوں کو ہلاک کر دیا۔
آئی ایس پی آر کے مطابق دہشت گردوں کی موجودگی کی اطلاع پر بروقت آپریشن کیا گیا، جس میں ان کے ایک گروہ کو نشانہ بنایا گیا اور ان سے اسلحہ و گولہ بارود بھی برآمد ہوا۔
فوج کے شعبہ تعلقات عامہ کا کہنا ہے کہ سرحد پار سے سرگرمیوں کو روکنا افغان حکام کی ذمہ داری ہے، اور انہیں اپنی سرزمین دہشت گردوں کے استعمال سے روکنی چاہیے۔
بیان میں مزید کہا گیا کہ سیکیورٹی فورسز ملک کے دفاع کے لیے پرعزم ہیں اور ایسے آپریشنز جاری رہیں گے۔