امریکا میں 11 ہفتوں سے جاری جزوی حکومتی تعطل ختم ہو گیا ہے، جب ایوانِ نمائندگان نے داخلی سلامتی کے محکمے کے لیے فنڈز کی منظوری دے دی، جس کے بعد صدر ڈونلڈ ٹرمپ نے اس پر دستخط کر دیے۔
یہ بل پہلے ہی ایوانِ بالا سے منظور ہو چکا تھا، تاہم اس میں امیگریشن سے متعلق اداروں کو شامل نہیں کیا گیا کیونکہ انہیں پہلے سے وسائل فراہم کیے جا رہے تھے۔
تعطل کے دوران کئی سرکاری شعبے مالی مشکلات کا شکار رہے، ہوائی اڈوں پر مسافروں کو طویل انتظار کرنا پڑا اور متعدد ملازمین بغیر تنخواہ کام کرتے رہے، جبکہ ہنگامی حالات سے نمٹنے والے اداروں پر بھی دباؤ بڑھ گیا تھا۔
سیاسی رہنماؤں کے درمیان اس معاملے پر اختلاف برقرار رہا اور دونوں جانب سے ایک دوسرے کو ذمہ دار ٹھہرایا گیا، جبکہ مطالبہ کیا جا رہا ہے کہ امیگریشن کے اداروں کو بھی قانون کے مطابق جوابدہ بنایا جائے۔