یومِ مزدور پر وزیراعظم کا پیغام، محنت کش طبقے کو خراجِ تحسین

شہباز شریف نے یوم مزدور کے موقع پر ملک بھر کے محنت کشوں کو خراجِ تحسین پیش کرتے ہوئے کہا ہے کہ یہی طبقہ معاشرے کی اصل طاقت ہے۔
اپنے پیغام میں انہوں نے کہا کہ مزدوروں کی محنت اور قربانیاں ملکی ترقی میں بنیادی کردار ادا کرتی ہیں، جبکہ بیرونِ ملک کام کرنے والے پاکستانی بھی معیشت کو مضبوط بنانے میں اہم حصہ ڈال رہے ہیں۔
وزیراعظم کے مطابق حکومت ہنر مندی کے فروغ اور بہتر تربیت کے لیے اقدامات کر رہی ہے تاکہ پاکستانی افرادی قوت کو مزید مضبوط بنایا جا سکے، ساتھ ہی مزدوروں کے حقوق کے تحفظ کے عزم کا بھی اعادہ کیا گیا۔