سینئر اداکارہ عتیقہ اوڈھو نے کہا ہے کہ بھارتی حکومت پاکستانی فن پر پابندی اس لیے عائد کرتی ہے تاکہ ان کا بیانیہ کمزور نہ پڑے۔ انہوں نے انٹرویو میں کہا کہ پاکستانی ڈرامے اور فلمیں بالی ووڈ کے پروپیگنڈا بیانیے کو چیلنج کرتی ہیں، اس لیے انہیں بھارتی مارکیٹ میں ریلیز نہیں ہونے دیا جاتا۔
عتیقہ اوڈھو نے ثقافتی تبادلے اور فنکارانہ آزادی کے لیے باہمی احترام کی ضرورت پر زور دیا اور کہا کہ یہ نفرت کا مسئلہ نہیں بلکہ رویّے کا معاملہ ہے۔ انہوں نے بھارت کی فلموں پر پاکستان کی پابندی کو بھی اسی پس منظر سے جوڑا۔