امریکی عدالت نے وائٹ ہاؤس میں 400 ملین ڈالر کے بال روم کی تعمیر پر عارضی پابندی عائد کر دی ہے اور واضح کیا ہے کہ اس منصوبے کے لیے کانگریس کی منظوری ضروری ہے۔
ڈسٹرکٹ جج رچرڈ لیون نے اپنے فیصلے میں کہا کہ صدر کو اس نوعیت کی تعمیر کی اجازت دینے والا کوئی واضح قانون موجود نہیں، اس لیے کیس کے حتمی فیصلے تک کام روکا جائے۔
عدالت نے یہ بھی واضح کیا کہ حکم کا اطلاق صرف بال روم منصوبے پر ہوگا، جبکہ سیکیورٹی سے متعلق کام جاری رہ سکتے ہیں۔
ادھر ٹرمپ انتظامیہ نے فیصلے کے خلاف اپیل دائر کر دی ہے، جبکہ منصوبے کے مخالفین نے اسے تاریخی عمارت کے تحفظ کے لیے اہم قرار دیا ہے۔