اسرائیلی وزیرِاعظم نیتن یاہو نے کہا ہے کہ ایران کے اثر و رسوخ کا مقابلہ کرنے کے لیے اسرائیل خطے کے اہم ممالک کے ساتھ نئے تعلقات اور اتحاد قائم کر رہا ہے۔
غیر ملکی میڈیا کے مطابق یہ پیش رفت ایسے وقت میں سامنے آئی ہے جب امریکا کی جانب سے ایران سے متعلق پالیسی میں نرمی کے اشارے مل رہے ہیں۔
اپنے خطاب میں نیتن یاہو نے بتایا کہ اسرائیل کئی اہم ممالک کے ساتھ معاہدوں کی جانب بڑھ رہا ہے، تاہم انہوں نے ان ممالک کے نام ظاہر نہیں کیے۔
انہوں نے مزید کہا کہ آنے والے وقت میں ان نئے اتحادوں کی تفصیلات سامنے لائی جائیں گی، جبکہ ایران کی موجودہ حکومت کے مستقبل سے متعلق بھی شکوک کا اظہار کیا۔