خیبرپختونخوا کے مختلف علاقوں میں سیکیورٹی فورسز کی دو الگ کارروائیوں کے دوران 13 دہشت گرد مارے گئے۔ آئی ایس پی آر کے مطابق باڑہ میں انٹیلیجنس کی بنیاد پر کیے گئے آپریشن میں 10 جبکہ بنوں میں 3 دہشت گرد ہلاک ہوئے۔
فوج کے شعبہ تعلقات عامہ کا کہنا ہے کہ علاقے میں مزید کلیئرنس آپریشنز جاری ہیں تاکہ دہشت گردی کا مکمل خاتمہ یقینی بنایا جا سکے۔
صدر آصف علی زرداری اور وزیرِاعظم شہباز شریف نے ان کامیاب کارروائیوں پر سیکیورٹی فورسز کی تعریف کی، جبکہ وزیر داخلہ محسن نقوی نے بھی فورسز کی کارکردگی کو سراہتے ہوئے دہشت گردی کے خلاف عزم کا اعادہ کیا۔