راولپنڈی کے علاقے روات میں خاتون کے ساتھ مبینہ اجتماعی زیادتی کے کیس میں پولیس نے تین افراد کو حراست میں لے لیا ہے۔ یہ واقعہ 29 مارچ کو پیش آیا، جس کا مقدمہ روات تھانے میں درج کیا گیا تھا۔
پولیس کے مطابق متاثرہ خاتون شاپنگ کے لیے نکلی تھی کہ راستے میں گاڑی میں سوار افراد نے اسے نشانہ بنایا۔ واقعے میں استعمال ہونے والی گاڑی بھی قبضے میں لے لی گئی ہے۔
ایف آئی آر کے مطابق خاتون کی والدہ کا کہنا ہے کہ ملزمان نے وین کا رخ تبدیل کر کے بیٹی کو زبردستی ساتھ لے جا کر زیادتی کا نشانہ بنایا اور واقعے کی ویڈیو بھی بنائی۔