قومی کفایت شعاری پالیسی کے تحت لاہور ہائیکورٹ اور صوبے بھر کی ماتحت عدالتوں میں نئے شیڈول کا آغاز کر دیا گیا ہے۔ اس فیصلے کے مطابق عدالتی کام اب ہفتے میں چار دن ہو گا۔ آج سے عدالتوں میں تعطیل رہے گی اور لاہور ہائیکورٹ کے تمام علاقائی بینچز میں سماعت نہیں ہو گی۔ ماتحت عدالتوں میں صرف اہم نوعیت کے مقدمات سنے جائیں گے جبکہ کیسز جمع کروانے کے لیے ارجنٹ سیل محدود عملے کے ساتھ کھلا رہے گا۔
