ایران میں نئے سپریم لیڈر کے انتخاب کے بعد خطے میں کشیدگی بڑھ گئی ہے اور ایران نے اسرائیل اور امریکی تنصیبات پر تازہ حملوں کا دعویٰ کیا ہے۔ ایرانی پاسدارانِ انقلاب کے مطابق گزشتہ 24 گھنٹوں میں 4 امریکی میزائل دفاعی ریڈار تباہ کیے گئے۔
رپورٹس کے مطابق تل ابیب اور مقبوضہ بیت المقدس کے آسمان پر ایرانی میزائل دیکھے گئے، جبکہ متحدہ عرب امارات کے الفجیرہ آئل انڈسٹری زون میں ڈرون کا ملبہ گرنے سے آگ لگ گئی۔ کویت کے سبیہ پاور اینڈ واٹر پلانٹ میں بھی آگ لگنے کی اطلاع ملی جسے بعد میں بجھا دیا گیا۔
ادھر لبنان میں حزب اللہ نے اسرائیلی ہیلی کاپٹر تباہ کرنے کا دعویٰ کیا ہے، جبکہ امریکا نے سعودی عرب میں موجود اپنے سفارتی عملے کو واپس بلانے کی ہدایت جاری کر دی ہے۔