پی ٹی آئی کے سیکرٹری جنرل سلمان اکرم راجہ نے الزام عائد کیا ہے کہ بانی کے ساتھ زیادتی ہوئی اور اس معاملے میں سابق سپرنٹنڈنٹ جیل عبدالغفور انجم کو ذمہ دار ٹھہرایا۔ انہوں نے اعلان کیا کہ متعلقہ افسر کے خلاف مقدمہ درج کرایا جائے گا۔
ان کا کہنا تھا کہ بانی نے شکایت کی ہے کہ ان کی بینائی مکمل طور پر بحال نہیں ہوئی اور وہ صرف روشنی محسوس کر پا رہے ہیں۔ انہوں نے مطالبہ کیا کہ بانی کا علاج ایسے معالجین سے کرایا جائے جن پر خود بانی اور ان کے اہل خانہ کو اعتماد ہو۔
دوسری جانب بانی کی ہمشیرہ علیمہ خان نے کہا کہ کئی ہفتوں تک انہیں آنکھ کی خرابی سے متعلق آگاہ نہیں کیا گیا۔ ان کے مطابق علاج شفاء اسپتال میں بانی کے ذاتی ڈاکٹر کی نگرانی میں کرایا جائے گا۔