سعودی نیشنل سینٹر فار ویجیٹیشن کور ڈیویلپمنٹ اینڈ کمبیٹنگ ڈیزرٹیفیکیشن نے ملک میں ماحولیاتی پائیداری کو فروغ دینے کے لیے آٹھ غیر منافع بخش ایسوسی ایشنز کے ساتھ مفاہمت کی یادداشتوں پر دستخط کیے ہیں۔
ان ایسوسی ایشنز میں النقا، لیوینڈر سوسائٹی، درب ہائیکنگ ٹریلز، حائل اگریکلچر ڈیویلپمنٹ، ینبع انوائرمینٹل، الرفاق (حائل)، اغصان اور پرِسٹین فیوچر شامل ہیں۔ مقصد جنگلات کی تعداد بڑھانا، بنجر زمین کی بحالی، کمیونٹی میں ماحولیاتی آگاہی اور قدرتی وسائل کی بنیاد پر سیاحت کو فروغ دینا ہے۔
نیشنل سینٹر کے مطابق اس تعاون سے رضاکارانہ سرگرمیوں میں اضافہ ہوگا اور ملک میں ماحولیاتی اور سماجی اثرات نمایاں طور پر بڑھیں گے۔