’اپنی چھت اپنا گھر‘: گھروں کی توسیع کے لیے بلاسود قرضوں کی منظوری

وزیراعلیٰ پنجاب مریم نواز نے ’اپنی چھت اپنا گھر‘ پروگرام کے تحت گھروں کی توسیع کے لیے بلاسود قرضے جاری کرنے کی منظوری دے دی ہے۔ اس فیصلے کے بعد جوائنٹ فیملی سسٹم میں رہنے والے افراد اپنے گھروں کی توسیع کے لیے آسان قرض حاصل کر سکیں گے۔

وزیراعلیٰ کی زیر صدارت اجلاس میں جون 2026 تک ایک لاکھ 60 ہزار گھر تعمیر کرنے کا ہدف مقرر کیا گیا، جبکہ ’اپنی زمین اپنا گھر‘ اسکیم کے تحت 1,531 پلاٹس کی الاٹمنٹ کی بھی منظوری دی گئی۔

حکام کے مطابق پنجاب بھر میں اس وقت 53 ہزار سے زائد گھر زیرِ تعمیر ہیں، جبکہ اس منصوبے کے تحت اب تک 164 ارب روپے سے زائد کے قرضے جاری کیے جا چکے ہیں۔