ریاض ریجن میں الخرج میونسپلٹی نے 20 لاکھ مربع میٹر رقبے پر ’الخرج پارک‘ کا افتتاح کیا ہے، جس کا مقصد سیاحت اور ماحولیاتی تحفظ کے درمیان توازن قائم کرنا ہے۔
پارک میں کیمپنگ ایریا، ہاٹ سیٹنگ کے ساتھ ریستوران، بچوں کے لیے گھڑ سواری زون، اور فیملیز کے لیے پکنک و باربی کیو کے لیے 45 مقامات شامل ہیں۔ دو لاکھ مربع میٹر کے علاقے کو سیزنل پھولوں سے سجایا گیا ہے تاکہ وزیٹرز مقامی نباتات سے بھی روشناس ہوں۔
الخرج میونسپلٹی کے مطابق پارک ہفتے کے ساتوں دن کھلا رہے گا، اور یہ معیار زندگی بڑھانے اور قدرتی مقامات کی ترقی کے لیے ایک اہم قدم ہے۔