العلا میں ڈیزرٹ ایکس کے چوتھے ایڈیشن میں سعودی اور بین الاقوامی فنکاروں کے فن پارے 16 جنوری سے 28 فروری تک عوام کے لیے پیش کیے جائیں گے۔ یہ اوپن ایئر نمائش بڑے پیمانے کی انسٹالیشنز، متحرک آرٹ، آواز پر مبنی تخلیقات اور انٹرایکٹیو تجربات پر مشتمل ہے۔
سعودی پریس ایجنسی کے مطابق یہ نمائش العلا کے قدرتی مناظر اور ثقافتی ورثے کے ساتھ قریبی تعلق کو اجاگر کرتی ہے۔ اس ایڈیشن میں 11 فنکاروں کے کام پیش کیے جائیں گے جو مختلف مواد، زاویے اور فنکارانہ روایات کی نمائندگی کریں گے۔
نمائش میں پرفارمنسز، فیملی سرگرمیاں اور وزیٹر پویلین میں براہِ راست موسیقی بھی شامل ہوگی، جسے العلا میوزک ہب کے تعاون سے ترتیب دیا گیا ہے۔ آرٹس العلا نے تصدیق کی ہے کہ ڈیزرٹ ایکس عوام کے لیے کھلا ہوگا، اور دلچسپی رکھنے والے آفیشل ویب سائٹ سے ٹکٹ اور معلومات حاصل کر سکتے ہیں۔