امریکی صدر ڈونلڈ ٹرمپ اور ان کی ٹیم گرین لینڈ کے حصول کے ممکنہ راستوں پر غور کر رہی ہے، جن میں عسکری آپشن بھی شامل ہے۔ وائٹ ہاؤس کے مطابق ٹرمپ گرین لینڈ کو امریکا کی قومی سلامتی کے لیے اہم سمجھتے ہیں اور اپنے موجودہ دورِ حکومت میں اسے حاصل کرنے کے خواہاں ہیں۔
سینئر امریکی حکام کا کہنا ہے کہ ڈنمارک سے گرین لینڈ خریدنے یا جزیرے کے ساتھ آزادانہ شراکت داری کے معاہدے جیسے امکانات زیرِ بحث ہیں۔ نیٹو کے مطابق یہ معاملہ ابھی ختم نہیں ہوا، جبکہ بعض عالمی اعتراضات کے باوجود صدر ٹرمپ اس حوالے سے مسلسل دلچسپی دکھا رہے ہیں۔