سعودی نیشنل سینٹر فار وائلڈ لائف ڈیولپمنٹ نے امام ترکی بن عبداللہ رائل ریزرو کے تعاون سے معدومیت کے خطرے سے دوچار 124 جانور ریزرو میں واپس چھوڑے ہیں۔ ان میں 100 الریم ہرن، 10 الادمی ہرن اور 14 عربی ہرن شامل تھے۔
ڈاکٹر محمد علی قربان کے مطابق جانوروں کو ان کے فطری ماحول میں چھوڑا گیا تاکہ افزائش نسل کے لیے سازگار حالات فراہم کیے جا سکیں۔ امام ترکی بن عبداللہ رائل ریزرو سعودی عرب کا دوسرا بڑا ریزرو ہے، جہاں 179 اقسام کے پودے اور 138 اقسام کے جانور اور پرندے موجود ہیں۔