کراچی کے علاقے اورنگی ٹاؤن کے مومن آباد میں ایک موٹر سائیکل سوار کھلے گڑھے میں جا گرا۔ پولیس کے مطابق حادثہ تیز رفتاری کے باعث پیش آیا، جبکہ مقامی افراد نے کھدائی کے مقام پر حفاظتی اقدامات نہ ہونے کی شکایت کی ہے۔ یہ واقعہ 29 دسمبر کو اردو چوک پر پیش آیا جس کی ویڈیو سوشل میڈیا پر وائرل ہو گئی۔ پولیس کا کہنا ہے کہ گڑھا پانی کی لائن بچھانے کے لیے کھودا گیا تھا، تاہم متاثرہ شخص نے تاحال کوئی شکایت درج نہیں کروائی۔
