سعودی خاتون البندری بنت ابراہیم نے العلا کے اولڈ ٹاؤن میں ایک ثقافتی منصوبے ’ھیکو‘ کا آغاز کیا ہے، جس کا مقصد علاقے کی قدیم تاریخی اور سماجی شناخت کو عالمی سطح پر متعارف کرانا ہے۔
منصوبے کے تحت مٹی سے بنے قدیم طرز کے مکانوں اور مقامی دستکاری کو اجاگر کیا جائے گا۔ پروجیکٹ میں مقامی لڑکیوں کی تخلیقی صلاحیتوں کو بھی شامل کیا گیا ہے تاکہ دستکاری، مقامی صنعت اور روزگار کے مواقع فروغ پائیں۔
نام ’ھیکو‘ یعنی ’ساتھ چلو‘ وزیٹرز کو دعوت دیتا ہے کہ وہ مل کر العلا کے تاریخی مقامات کو دیکھیں اور اس کے ورثے کے بارے میں تفصیل سے جانیں۔ منصوبے سے نہ صرف ثقافتی شعور میں اضافہ ہوگا بلکہ سیاحت اور مقامی معیشت میں بھی مثبت اثرات مرتب ہوں گے۔