حکومتِ پاکستان نے اقوام متحدہ کے امدادی اداروں کو افغانستان میں خوراک پہنچانے کی اجازت دے دی ہے۔ وزارت تجارت کی جانب سے ڈی جی افغان ٹرانزٹ ٹریڈ اور ایف بی آر کو لکھے گئے خط میں بتایا گیا کہ یہ فیصلہ وزارتِ خارجہ کی سفارش پر کیا گیا۔
خط کے مطابق یونیسف، ورلڈ فوڈ پروگرام اور یو این ایف پی اے کے خوراک سے بھرے کنٹینرز کی مرحلہ وار کلیئرنس کی ہدایت کر دی گئی ہے۔ انسانی ہمدردی کے تحت پہلے خوراک، پھر ادویات اور طبی سامان، اور آخر میں طلبہ و اساتذہ کے لیے کٹس والے کنٹینرز کلیئر کیے جائیں گے۔