کویت سے بھارت آنے والی پرواز میں بم کی جھوٹی اطلاع، طیارہ ممبئی میں اتار لیا گیا

کویت سے حیدرآباد جانے والی ایک پرواز میں بم کی اطلاع پر طیارے کو ہنگامی طور پر ممبئی ایئرپورٹ پر اتارا گیا۔ حیدرآباد ایئرپورٹ حکام کو ایک دھمکی آمیز ای میل موصول ہوئی تھی جس میں دعویٰ کیا گیا تھا کہ جہاز میں دھماکا خیز مواد موجود ہے۔

طیارے سے تمام مسافروں اور سامان کو اتار کر مکمل تلاشی لی گئی، تاہم تحقیقات کے بعد یہ اطلاع بے بنیاد ثابت ہوئی۔ بھارتی حکام نے واقعے کو غیر سنجیدہ اور جھوٹی دھمکی قرار دیا ہے۔