ایرانی پاسدارانِ انقلاب نے دعویٰ کیا ہے کہ ملک میں سرگرم امریکی اور اسرائیلی انٹیلیجنس نیٹ ورکس کا مکمل خاتمہ کر دیا گیا ہے۔
ایرانی میڈیا کے مطابق ادارے کا کہنا ہے کہ یہ نیٹ ورک غداری اور دھوکے کے ذریعے ایران کی قومی سلامتی کو نقصان پہنچانے کی کوشش میں تھا۔
بیان میں مزید کہا گیا کہ اسرائیل، جو خطے میں امریکا کی پراکسی کے طور پر کام کر رہا ہے، حالیہ ناکامیوں کے بعد ایران کو غیر مستحکم کرنے کی سازشوں میں مصروف تھا۔
پاسدارانِ انقلاب کے مطابق متعدد صوبوں میں گرفتاریاں عمل میں لائی گئی ہیں اور نیٹ ورک کے تمام فعال سیلز کو غیر مؤثر بنا دیا گیا ہے۔