لاہور پولیس نے گھروں میں چوری کی وارداتوں میں ملوث دو پولیس اہلکاروں سمیت تین ملزمان کو گرفتار کر لیا۔ ملزمان کے قبضے سے زیورات، نقدی اور اسلحہ بھی برآمد ہوا۔
ایس پی صدر رانا حسین طاہر کے مطابق گرفتار اہلکاروں میں علی حیدر، برطرف راحت علی اور ان کا ساتھی شامل ہیں۔
اس کے علاوہ نواب ٹاؤن پولیس نے ہنی ٹریپ کے ذریعے شہریوں کو لوٹنے والے تین افراد کو بھی گرفتار کیا، جو آن لائن ڈسکاؤنٹ کی آڑ میں شہریوں کو بلا کر ان کی ویڈیوز بنا کر بلیک میل اور لوٹ مار کرتے تھے۔