پاکستان نے ہوم ٹیسٹ سیریز کے لیے 18 رکنی اسکواڈ کا اعلان کردیا ہے جس کی قیادت شان مسعود کریں گے۔ اسکواڈ میں تین نئے کھلاڑی آصف آفریدی، فیصل اکرم اور روحیل نذیر کو بھی موقع دیا گیا ہے۔
دیگر کھلاڑیوں میں بابر اعظم، محمد رضوان، شاہین شاہ آفریدی، عبداللّٰہ شفیق، امام الحق، سعود شکیل، سلمان علی آغا، حسن علی، عامر جمال، خرم شہزاد، ساجد خان، نعمان علی، کامران غلام اور ابرار احمد شامل ہیں۔
پہلا ٹیسٹ 12 سے 16 اکتوبر تک لاہور کے قذافی اسٹیڈیم میں کھیلا جائے گا، جبکہ دوسرا میچ 20 سے 24 اکتوبر کو راولپنڈی میں شیڈول ہے۔