وزیراعظم شہباز شریف نے سعودی ولی عہد شہزادہ محمد بن سلمان کا شاندار استقبال کرنے پر شکریہ ادا کرتے ہوئے کہا کہ رائل سعودی ایئرفورس کی جانب سے فضائی سلامی اور سعودی مسلح افواج کے گارڈ آف آنر نے دونوں ممالک کے درمیان محبت اور باہمی احترام کو اجاگر کیا۔ انہوں نے بتایا کہ ولی عہد سے ملاقات میں علاقائی مسائل اور دوطرفہ تعاون بڑھانے پر گفتگو ہوئی۔ وزیراعظم نے سعودی سرمایہ کاری اور تجارتی تعلقات میں دلچسپی کو بھی سراہا اور دعا کی کہ پاکستان–سعودی دوستی مزید مضبوط ہو۔
