بھارت کے سابق کپتان ایم ایس دھونی شائقین کو حیران کرنے جا رہے ہیں۔ بھارتی میڈیا کے مطابق دھونی جلد بڑے پردے پر ایکشن ہیرو کے روپ میں جلوہ گر ہوں گے۔
اداکار آر مادھون نے اپنے سوشل میڈیا پر نئے پروجیکٹ “دی چیس” کا ٹیزر شیئر کیا ہے، جس میں وہ اور دھونی بلٹ پروف جیکٹ اور دھوپ کے چشمے پہن کر ایک ٹاسک فورس کے کردار میں نظر آ رہے ہیں۔ اس فلم کے ہدایتکار وسن بالا ہیں۔
اگرچہ مزید تفصیلات ابھی سامنے نہیں آئیں، لیکن مداحوں میں دھونی کے فلمی ڈیبیو کو لے کر خاصی بےچینی پائی جا رہی ہے۔ اس سے قبل وہ مختلف فلموں میں کیمو رولز میں دکھائی دے چکے ہیں۔