خیبر پختونخوا کے جنوبی اضلاع ٹانک اور شمالی وزیرستان میں پولیو کے دو نئے کیس سامنے آگئے ہیں۔ نیشنل ایمرجنسی آپریشنز سینٹر کے مطابق ان علاقوں میں پولیو کی صورتحال تشویشناک ہے، جس کے پیشِ نظر آئندہ ماہ ملک بھر میں خصوصی مہم چلائی جائے گی۔
یاد رہے کہ اسی ماہ لکی مروت میں بھی ایک 5 ماہ کے بچے میں پولیو وائرس کی تصدیق ہوئی تھی، جس کے بعد رواں سال پاکستان میں کیسز کی تعداد بڑھ کر 23 ہو گئی ہے۔