آئی سی سی ویمنز ورلڈکپ کے لیے پاکستان نے 15 رکنی اسکواڈ کا اعلان کردیا، جہاں آل راؤنڈر فاطمہ ثناء پہلی بار قومی ٹیم کی قیادت کریں گی۔ ورلڈکپ 30 ستمبر سے 2 نومبر تک بھارت اور سری لنکا میں ہوگا، جبکہ پاکستان اپنے تمام میچ سری لنکا میں کھیلے گا۔
اسکواڈ میں نتالیا پرویز، رامین شمیم، صدف شمس، سعدیہ اقبال، شوال ذوالفقار اور سیدہ عروب شاہ پہلی بار ورلڈکپ کھیلیں گی۔ گل فیروزہ اور نجيحہ علوی اسکواڈ سے باہر ہوگئیں، تاہم نان ٹریولنگ ریزروز میں شامل ہیں۔
پاکستانی اسکواڈ:
فاطمہ ثناء (کپتان)، منیبہ علی صدیقی، عالیہ ریاض، ڈیانا بیگ، ایمان فاطمہ، نشرا سندھو، نتالیا پرویز، عمائمہ سہیل، رامین شمیم، صدف شمس، سعدیہ اقبال، شوال ذوالفقار، سدرہ امین، سدرہ نواز اور سیدہ عروب شاہ۔