پنجابی فلموں کے معروف اداکار اور کامیڈین جسوندر سنگھ بھلا 65 برس کی عمر میں چل بسے۔ اہلخانہ کے مطابق انہیں برین اسٹروک کے بعد موہالی کے اسپتال منتقل کیا گیا تھا، جہاں وہ جمعے کی صبح انتقال کر گئے۔
بھلا کی آخری رسومات 23 اگست کو موہالی میں ادا کی جائیں گی، جن میں فلم انڈسٹری کی بڑی شخصیات کی شرکت متوقع ہے۔ ان کے انتقال پر شوبز اور سیاسی حلقوں نے گہرے دکھ کا اظہار کرتے ہوئے اہلخانہ سے تعزیت کی۔
جسوندر سنگھ بھلا نے اپنے کیریئر کا آغاز 1988 میں کامیڈی البم چھنکاتا سے کیا اور بعدازاں “کیری آن جٹا”، “بھاجی ان پرابلم”، “جٹ اینڈ جولیٹ” سمیت درجنوں سپرہٹ فلموں میں یادگار کردار ادا کیے۔