بھارتی کرکٹ بورڈ نے ایشیا کپ 2025 کے لیے 15 رکنی ٹیم کا اعلان کر دیا۔ سوریا کمار یادیو ٹیم کی قیادت کریں گے، جبکہ شبمن گل نائب کپتان ہوں گے۔ اسکواڈ میں ابھیشیک شرما، تلک ورما، ہاردک پانڈیا، شیوم دوبے، اکسر پٹیل، جیتیش شرما، جسپریت بمراہ، ارشدیپ سنگھ، ورون چکرورتی، کلدیپ یادیو، سنجو سیمسن، ہرشیت رانا، اور رنکو سنگھ شامل ہیں۔
ٹورنامنٹ 9 ستمبر سے متحدہ عرب امارات میں شروع ہوگا، جہاں پاکستان اور بھارت کے درمیان 14 ستمبر کو میچ ہوگا۔ سپر فور مرحلے میں کوالیفائی کرنے کی صورت میں 21 ستمبر کو دوسرا ٹاکرا، اور فائنل میں 28 ستمبر کو تیسرا ممکنہ مقابلہ ہو سکتا ہے۔