یومِ شہدائے پولیس کے موقع پر صدر آصف علی زرداری اور وزیراعظم شہباز شریف نے پولیس کے شہداء کو خراجِ تحسین پیش کیا۔ دونوں رہنماؤں نے کہا کہ دہشت گردی اور جرائم کے خلاف جانیں قربان کرنے والے پولیس اہلکار قوم کا فخر ہیں اور ان کی قربانیاں کبھی فراموش نہیں کی جائیں گی۔ صدر نے شہداء کے ورثاء کی فلاح کا وعدہ کیا، جبکہ وزیراعظم نے ٹیکنالوجی کے ذریعے پولیسنگ بہتر بنانے پر زور دیا۔ وزیر داخلہ محسن نقوی نے بھی پولیس شہداء کو قومی ہیرو قرار دیا۔
