سعودی انسدادِ بدعنوانی اتھارٹی (نزاہہ) نے رشوت ستانی اور اختیارات کے ناجائز استعمال کے مختلف مقدمات میں سرکاری ملازمین، تاجروں اور غیر ملکی افراد سمیت متعدد ملزمان کو گرفتار کر لیا ہے۔
حکام کے مطابق ایک تاجر کو دو کنٹینرز کی غیر قانونی کلیئرنس کے لیے 16 لاکھ ریال رشوت کی پیشکش کرنے پر گرفتار کیا گیا، جبکہ مختلف سرکاری محکموں کے کئی ملازمین بھی رشوت لینے کے الزامات میں حراست میں لیے گئے۔
نزاہہ کا کہنا ہے کہ وزارتِ صحت، وزارتِ توانائی، پاسپورٹ اور کسٹمز سمیت دیگر اداروں سے تعلق رکھنے والے افراد کے خلاف بھی کارروائیاں کی گئی ہیں، جبکہ بدعنوانی کے خاتمے کے لیے تحقیقات کا عمل جاری ہے۔