اداکارہ سوہائے علی ابڑو نے اپنی طلاق سے متعلق سوشل میڈیا پر گردش کرنے والی افواہوں کی تردید کرتے ہوئے اپنے شوہر اور بیٹی کے ساتھ نئی تصاویر شیئر کر دی ہیں۔
گزشتہ کچھ عرصے سے ان کی نجی زندگی کے حوالے سے قیاس آرائیاں جاری تھیں، جس کی وجہ سوشل میڈیا پر ان کے شوہر سے متعلق اپ ڈیٹس کی کمی بتائی جا رہی تھی۔ اس صورتحال کے باعث علیحدگی سے متعلق افواہیں زور پکڑ گئیں۔
تاہم اداکارہ نے اپنی حالیہ پوسٹ میں اپنے شوہر شہزار محمد اور بیٹی کے ہمراہ خوشگوار تصاویر شیئر کر کے ان تمام خبروں کو بے بنیاد قرار دے دیا ہے۔ تصاویر میں تینوں کو ایک خوش و خرم خاندان کے طور پر دیکھا جا سکتا ہے۔
اداکارہ نے اپنی پوسٹ میں اپنے شوہر کو بہترین والد اور ایک خاص انسان قرار دیتے ہوئے ان کے لیے نیک خواہشات کا اظہار بھی کیا۔