ویرات کوہلی اور آسٹریلوی کرکٹر ٹریوس ہیڈ کے درمیان میچ کے بعد ہاتھ نہ ملانے کے واقعے نے سوشل میڈیا پر شدید ردعمل کو جنم دیا ہے۔ اس تنازع کے بعد بعض بھارتی سوشل میڈیا صارفین نے ٹریوس ہیڈ اور ان کے اہل خانہ کو نشانہ بنا کر نامناسب اور ذاتی حملوں کا سلسلہ شروع کر دیا۔
رپورٹس کے مطابق ٹریوس ہیڈ کی اہلیہ نے بھی آن لائن بدسلوکی پر تشویش کا اظہار کرتے ہوئے کہا ہے کہ ان کے اہل خانہ اور دوستوں کو غیر ضروری طور پر نشانہ بنایا جا رہا ہے، جس سے وہ پریشان ہیں۔
یہ واقعہ ایسے وقت میں سامنے آیا ہے جب میچ کے دوران دونوں کھلاڑیوں کے درمیان گرما گرمی ہوئی تھی اور بعد ازاں ہاتھ نہ ملانے کے عمل نے تنازع کو مزید بڑھا دیا۔