امام ترکی بن عبداللہ رائل ریزرو میں رواں سال کی پہلی سہ ماہی کے دوران عربی اوریکس کی 15 نئی پیدائشیں ریکارڈ کی گئی ہیں۔
حکام کے مطابق یہ اضافہ اس بات کی علامت ہے کہ ریزرو میں ماحولیاتی نظام بہتر ہو رہا ہے اور حیاتیاتی تنوع کو فروغ مل رہا ہے۔ یہ کامیابی جنگلی حیات کے تحفظ اور معدومیت کے خطرے سے دوچار انواع کی بحالی کے جاری پروگراموں کا نتیجہ ہے۔
عربی اوریکس صحرائی ماحول میں زندہ رہنے کی غیر معمولی صلاحیت رکھنے والا جانور ہے، جو سخت گرمی اور خشک حالات میں بھی اپنی بقا برقرار رکھتا ہے۔ ریزرو انتظامیہ کے مطابق ایسے اقدامات کا مقصد قدرتی ماحول کو محفوظ رکھنا اور جنگلی حیات کو ان کے اصل مسکن میں دوبارہ آباد کرنا ہے۔