ایران نے امریکا کی حالیہ تجاویز کا جواب پاکستان کے ذریعے واشنگٹن کو بھجوا دیا ہے۔ ایرانی حکام کے مطابق تہران نے واضح کیا ہے کہ منجمد اثاثوں کی بحالی، معاشی پابندیوں کا خاتمہ اور جنگی نقصانات کا معاوضہ اس کے بنیادی مطالبات ہیں۔
ایران نے بندرگاہوں پر عائد ناکہ بندی ختم کرنے اور خطے میں جنگ بندی پر بھی زور دیا، جبکہ امریکا نے ایران سے جوہری سرگرمیاں محدود کرنے اور آبنائے ہرمز میں نقل و حرکت بحال رکھنے کا مطالبہ کیا ہے۔
دوسری جانب امریکی صدر ڈونلڈ ٹرمپ نے خبردار کیا ہے کہ وقت تیزی سے گزر رہا ہے، جبکہ ایران نے بھی دوٹوک انداز میں کہا ہے کہ کسی بھی نئی کشیدگی کا بھرپور جواب دیا جائے گا۔